．．．

"愛"真係好奇怪，就係因為呢個字會為佢做好多野，好多好傻好弱智無聊到極點冇可能會做到而你又做到ge野，但永遠做果個係唔會覺得自己好似超人一樣，但見到人地做埋同你一樣ge野ge時候你就會話人好西利！咩事都好，開心ge、唔開心ge，無論對方知唔知為佢做咁多野都好，都會甘心去做！愛真係咁架咩？

" 愛你也許會笑著哭但那人是你所以不怕苦 " ←　朋友真像 " 你 "

人係咪真係為左愛乜都得呢？朋友 你為左自己ge幸福真的抓得很緊，真的覺得你蠢，真的覺得你笨，但你又真的笨得起，對你來說犧牲、付出已經唔算係ｄ咩，我羨慕你對愛個份堅持！

從來我唔會睇小女人對愛ge忍耐力，因為自己亦都係忍耐力極強ge高手之一，但係你呢段感情我更加覺得女人ge忍耐力就好似深谷一樣，深不可測，不能睇小，簡直超出所想。

男人．．．唉，男人！！也不是沒一個好人，難搵ｄ囉！佢地唔係唔好，只係有ｄ缺點你接受唔到je！人地話可以將佢地ge缺點當優點看，我自問做唔到，但忍耐力亦都係係呢度練返黎！

" 真係未放得低 " ←　朋友２號，３年以來都係呢句，其實我明架！！

後悔

尋日係屋企大掃除, 執左好多唔要ge野出黎, 執返好間房, 執返以前ge成績表、記功紙、記優點紙出黎擺好佢, 執執下有一張領獎通知, 係一張日本國際繪畫比賽獲獎通知書, 睇到呢張野其實有d唔開心, 因為我冇攞到呢個獎, 我好後悔當時點解唔寄運費攞呢個獎返黎,真係好後悔~我諗返轉頭我仲有冇以前做過ge野係後悔架呢, 我諗唔到, 無論我鐘意過ge人, 愛過ge人, 做過ge事同學業, 直到呢一刻, 除左冇攞到個獎之外, 我未諗到其他後悔ge事 !!以前成日講後悔後悔, 根本唔知咩叫後悔, 只不過係一時ge唔甘心, 呢d又算咩後悔呀~ 而家ge後悔令到我成日問自己點解, 可能因為難得而我又冇去做啦...終於知道後悔係咩感覺, 呢種感覺真係好難形容......呢一件可能對人地黎講係一件好平凡ge事,但對我黎講好重要...

後悔係難得有機會而冇去珍惜....

其實戀愛係用唔上後悔呢兩個字, 因為只有唔甘心架咋!!諗真d係唔係 ~

12月...倒霉吧!!

12月19日 就要大事回顧啦~

12月5日   收到大信封, 呆掉

12月6 ~ 10日 唔知自己係公司做緊咩

12月11日 最後一DAY, 為持左兩個月ge工作,終於停止服務

12月12日 重獲自由,成為裁員潮ge一份子,覺得自己好潮,完全跟得上潮流,簡直係走上潮流ge尖端

12月16日 下午家姐打比我,問我做唔做parttime,$30/hr, 聽日開始, 好開心~夜晚去左ccc interview,感覺良好...返到澳門揸車入油,d油又平左,返屋企途中炒車...整親左腳..去山頂睇

12月17日 人算不如天算 , 諗住有parttime做可以搵多小小洗 , 6點放工可以返埋日協賺多幾個$28/hr , 點知30冇左28都冇埋 , 黑lo~

12月19日 interview 出左結果 "錄取", 開心死, ccc係讀課程架,唔係工黎架,唔洗錢未去讀下lo~讀完又有用

聖誕先黎整親隻腳, 唔通連個天都唔鐘意我...冇得扮靚靚, 冇得著裙, 冇得著高跟鞋.....唉....

痛苦...佢黎左呀！！